símonika

Það er ekki vani Sigmars að leggja vígtennurnar til hliðar í viðtölum við aðila sem þarft er að sauma að til að fá hið rétta fram í dagsljósið.  Þetta var ótrúlega ódýrt fyrir Hreiðar Má að fá að sitja í kastljósi og hreinsa sig af ábyrgð sem og mistökum sem kosta þjóðina skömm og sársauka um langa framtíð. 

Stefna Kaupþings var svívirðileg með tilliti til margra hluta.  Útlánastefnan sem Sigmar byggði viðtal sitt á var að sjálfsögðu stórundarleg.  Með komu Hreiðars Más og Sigurðar breyttust hefðbundnar lánveitingar til íslenskra fyrirtækja og einstaklinga á þann hátt að öll lánafyrirgreiðsla var stífari og mjög óaðgengileg.  það er auðvitað skiljanlegt núna í ljósi þess að landinn var bara ryk í augum þessarra manna miðað við hundruð milljarða lántakendurna.  Maður skildi ætla að betra væri að lána mörgum smærri til að dreifa áhættu ?.  Hreiðar Már leyfir sér að koma í kastljós og lýsa yfir sakleysi sínu og eyða tíma okkar í að hlusta á hvernig hann tapaði sparnaði sínum og hlutabréfum.  Ég man ekki betur en hann hafi verið með um 35 milljónir á mánuði hjá Kaupþing.  Hann sem yfirmaður bankans hlýtur að teljast ábyrgur fyrir kampavínsuppákomu brokera bankans þegar þeir píndu íslensku krónuna í gengsivísitölu 170.  þá var nefnilega glatt á hjalla og slegið var upp veislu og skálað í kampavíni og menn klæddust bolum þar sem á stóð 170. Var það ekki þessi banki undir stjórn Hreiðars Más sem kepptist við að kaupa skuldabréf í sjálfum sér bakatil á niðursettu verði.  Hvernig gátu þeir fengið skuldabréfin á niðursettu verði, jú með því að hækka skuldatryggingarálagið.  og hvernig fóru þeir að því, jú með að veikja ásýnd á íslensku krónuna erlendis og hvernig fóru þeir að því að veikja krónuna, jú með því að kaupa upp allar evrur sem bárust til landsins, eða því sem næst.  þetta er bara einn hlutinn, þeir þurftu einnig að halda uppi fáranlegum hagnaði sem var orðinn óraunhæfur og  í raun ekki til heldur blásinn upp af blekkingum og sýndarleik.  Hvernig gátu þeir annað en haldið áfram að fella krónuna til að halda uppi dampi.  kaupþing átti mörg hundruð milljarða í evrum en gerði uppgjör sitt hér á landi í íslenskum krónum.  Þeir nöguðu krónuna niður í svaðið til að skila meiri hagnaði því jú því verri staða krónunnar því hærra gengi á evrunni og þá betri staða í uppgjöri.  Að ógleymdum hagnaðinum sem veiking krónunnar hafði á verðbólguna.  Innlenda lánasafn kaupþings var að langmestu leyti vísitölutengd lán.  þannig tókst þeim að hækka virði þeirra og virði bankans.  Íslenska þjóðin situr eftir sviðin af sínu eigin fólki sem í dag býr flest í útlöndum.     Svona vinnubrögð eru að mínu mati landráð.  Að grafa undan efnahag lands og þjóðar eru að mínu mati LANDRÁÐ.   

	Annarra að biðjast afsökunar
Ábyrgðarmaður færslu Tilkynna um óviðeigandi tengingu við frétt